Гонконгликлар Тошкент об-ҳавоси ҳамда майдондан шикоят қилишди + ФОТО

Гонконг терма жамоаси 26 март, сешанба куни жаҳон чемпионати саралаши 2-босқичи доирасида Ўзбекистонга қарши сафар учрашувини ўтказади. Жанубий-Шарқий Осиё мамлакати вакиллари Тошкентга 22 нафар футболчи билан ташриф буюрган.

HK01 нашри мухбири Юан Чжи Хао Ўзбекистон ҳақида репортаж тайёрлаб, машғулот майдонини танқид қилган. 

Шунингдек, жамоа машғулотлари пайтида осмонда ғалати тутун пайдо бўлгани айтилган.

Бироқ Гонконг терма жамоаси бош мураббийи Йорн Андерсен бу рақибнинг "қайтарган совғаси" эмаслигини таъкидлади:

"Бу ердаги муҳит биз тасаввур қилганимиздан ҳам яхшироқ, шунингдек, Эрондаги муҳитдан ҳам идеалроқ. Бу ерда иккита яхши машғулот ўтказдик".

Эслатиб ўтамиз, Ўзбекистон ва Гонконг ўртасидаги жавоб учрашуви 26 март куни соат 19:30 да старт олади.