Grand Swiss. 15 ёшли гроссмейстеримиз 7-турда кучли рақибга қарши дона сурди

Мукофот жамғармаси 433 000 АҚШ долларини ташкил этувчи Grand Swiss турнирида Ўзбекистон шарафини 17-жаҳон чемпиони Рустам Қосимжонов ҳамда 15 ёшли халқаро гроссмейстеримиз Нодирбек Абдусаттаров ҳимоя қилмоқда. Қосимжонов 2657, Абдусаттаров эса 2608 рейтинг очкосига эга. 

Мусобақада муваффақиятли дона сураётган истеъдодли шахматчимиз, 15 ёшли халқаро гроссмейстер Нодирбек Абдусатторов бир кунлик танаффусдан сўнг ўтказилган 7-турда оқ доналарда ўзи сингари 3,5 очко жамғариб турган украиналик халқаро гроссмейстер Павел Эльянов (2663)га қарши ўйнади ва якунда дурангга имзо чекди. 

Етти имкониятдан 4 очко жамғарган Нодирбек қўшимча кўрсаткичларга кўра 37-ўринни эгаллаб турибди. Мусобақада 106-рақам остида таснифланган ҳамюртимиз бугун ўтказиладиган 8-партия учрашувида россиялик халқаро гроссмейстер Санан Сюгиров (2662)га қарши қора доналарда ўйнайди.