Grand Swiss. 15 ёшли халқаро гроссмейстеримиз мусобақани Қосимжоновдан 26 поғона юқорида тугатди

Мукофот жамғармаси 433 000 АҚШ долларини ташкил этувчи Grand Swiss турнирида Ўзбекистон шарафини 17-жаҳон чемпиони Рустам Қосимжонов ҳамда 15 ёшли халқаро гроссмейстеримиз Нодирбек Абдусаттаров ҳимоя қилди. Қосимжонов 2657, Абдусаттаров эса 2608 рейтинг очкосига эга. 

Мусобақада муваффақиятли дона сурган истеъдодли шахматчимиз, 15 ёшли халқаро гроссмейстер Нодирбек Абдусатторов сўнгги 11-турда россиялик халқаро гроссмейстер Алексей Сарана (2655)га қарши оқ доналарда баҳс олиб борди ва кучли рақиб билан дурангга эришди. 

Ўн бир имкониятдан 6 очко жамғарган Нодирбек қўшимча кўрсаткичларга кўра мусобақа якунида 46-ўринни эгаллади. Бу борада у турнир жадвалида Рустам Қосимжоновдан 26 поғона юқорида жойлашди. Мусобақада 106-рақам остида таснифланган шахматчимиз учун бу ёмон натижа эмас.