14 окт 08:46
Янгиликлар

Шахмат

Grand Swiss. Рустам Қосимжоновда дуранг, 15 ёшли гроссмейстеримиз кучли рақибни мағлуб этди

Англиянинг Мэн оролида дунёнинг 154 нафар кучли шахматчилари иштирокидаги нуфузли халқаро турнир давом этмоқда.

Мусобақада амалдаги жаҳон чемпиони норвегиялик Магнус Карлсен, жаҳон вице-чемпионлари Вишванатан Ананд (Ҳиндистон), Фабион Каруана (АҚШ), Сергей Карякин (Россия) каби машҳур шахматчилар дона суришяпти.

Мукофот жамғармаси 433 000 АҚШ долларини ташкил этувчи Grand Swiss турнирида Ўзбекистон шарафини 17-жаҳон чемпиони Рустам Қосимжонов ҳамда 15 ёшли халқаро гроссмейстеримиз Нодирбек Абдусаттаров ҳимоя қилмоқда. Қосимжонов 2657, Абдусаттаров эса 2608 рейтинг очкосига эга.

Кеча ўтказилган 4-партияда Рустам Қосимжонов оқ доналарда ҳаракат қилди ва рейтингда ўзидан анча юқорида турган ҳиндистонлик халқаро гроссмейстер Пентала Харикришна (2748) билан дуранг ўйнади. Қосимжонов 3-турда амалдаги жаҳон чемпиони норвегиялик Магнус Карлсен билан ҳам муросага келганди.

Истеъдодли шахматчимиз, 15 ёшли халқаро гроссмейстер Нодирбек Абдусатторов 4-турда оқ доналарда ўйнаб, польшалик халқаро гроссмейстер Каспер Пёрун (2643)ни мағлубиятга учратди. Бешинчи партия олдидан Қосимжонов 2,5 очко билан қўшимча кўрсаткичларга кўра 27, Абдусатторов эса шунча очко билан 31-ўринни эгаллаб турибди.

Ҳавола :

Манба : olamsport.com

Рейтинг:

11:57

Нодирбек Абдусатторов 2027 йилда ҳам NAVI сафида қолади 0

09:40

Ҳозирда шахмат тарихидаги энг ёш гроссмейстер ким? 0

18:23

Ўзбекистон 2027 йилги Жаҳон кубоклари учун иккита йўлланмага эга бўлди! 0

Фикрлар

< сўнгги янгиликларни кўриш

14 окт 08:46 Янгиликлар

Grand Swiss. Рустам Қосимжоновда дуранг, 15 ёшли гроссмейстеримиз кучли рақибни мағлуб этди

Ўхшаш янгиликлар

14 окт 08:46
Янгиликлар