Grand Swiss. Рустам Қосимжоновда кетма-кет иккинчи мағлубият

Мукофот жамғармаси 433 000 АҚШ долларини ташкил этувчи Grand Swiss турнирида Ўзбекистон шарафини 17-жаҳон чемпиони Рустам Қосимжонов ҳамда 15 ёшли халқаро гроссмейстеримиз Нодирбек Абдусаттаров ҳимоя қилмоқда. Қосимжонов 2657, Абдусаттаров эса 2608 рейтинг очкосига эга. 

Кеча ўтказилган 10-партияда Рустам Қосимжонов қора доналарда ўйнаб, кутилмаганда мағлубият аламини тотиб кўрди. Ҳамюртимиз руминиялик гроссмейстер Богдан-Даниэль Дик (2613)га имкониятн бой берди. Бу 17-жаҳон чемпионининг кетма-кет қабул қилиб олган иккинчи мағлубияти бўлди. 

Бугун ўтказиладиган 11-тур олдидан Қосимжонов 5 очко билан турнир жадвалида қўшимча кўрсаткичларга кўра 73-ўринни эгаллаб турибди. Бир тур олдин у 37-поғонадан жой олганди. Рустам Қосимжонов бугун ўтказиладиган сўнгги 11-турда оқ доналарда голландиялик Эрин Л`ами (2619)га қарши ҳаракат қилади.

Маълумот учун, 22 октябрь куни якунига етадиган Grand Swiss турнири ғолиби 70 000, иккинчи ўрин соҳиби 50 000, учинчи ўрин эгаси эса 40 000 АҚШ доллари миқдоридаги мукофот пулига эга бўлади. Кучли ўттизликка кира олган шахматчига эса 2000 АҚШ доллари тақдим этилади.