Grenke Freestyle Chess Open. Жавоҳир Синдаров ғалаба билан бошлади, Магнус Карлсен ҳам!

Бир нечта гуруҳда ўтказилаётган мусобақанинг кучлилар жам бўлган А гуруҳида гроссмейстеримиз Жавоҳир Синдаров ҳам ўз маҳоратини намойиш этмоқда. Кеча ҳамюртимиз 1-турда қора доналарда германиялик Детлев Волтерни мағлубиятга учратди. 

Мусобақанинг биринчи рақамли иштирокчиси Магнус Карлсен оқ доналарда мезбонлар вакили Винзенс Хиллерманндан устун келди. Биринчи турда Фабиано Каруана, Уэсли Со, Левон Аронян (ҳаммаси АҚШ), Аржун Эргаиси (Ҳиндистон), Максим Вашье-Лаграв (Франция), Шахрияр Мамадьяров (Озарайбжон), Ян Непомняший (FIDE) сингари таниқли гроссмейстерлар зафар қучишди. 

Grenke Freestyle Chess Open мусобақасининг мукофот жамғармаси 225 000 еврони ташкил этади. Чемпион 60 000 евро билан бирга Лас-Вегасда ўтказиладиган Freestyle Chess турнирида қатнашиш ҳуқуқини қўлга киритади. Иккинчи ўрин соҳиби 40 000, учинчи ўрин эгаси 30 000 еврога эга бўлади. Топ-10`таликни якунлаб берган шахматчи 3000 еврога эга чиқади. 

Бугун турнирнинг 2-турида Жавоҳир Синдаров оқ доналарда германиялик Йонас Роснерга қарши баҳс олиб боради. Магнус Карлсен қора доналарда чехиялик Васлав Финек билан ҳисоб-китоб қилади.