01 окт 10:26
Янгиликлар

Бокс/ММА

Грузия ҳукумати Мераб Двалишвилига миллион тақдим этди

UFC чемпиони Мераб Двалишвили ўз ватани Грузияга етиб келди.

Мамлакат ҳукумати Мерабга тарихий чемпионлик учун миллион лари пул мукофоти тақдим этди. Бу ҳозирги курсга ўгирганда 370 000 АҚШ долларига тенг сумма. Мераб ушбу сумманинг катта қисмини Грузияда хайрия ишлари, шунингдек, ММА, жиу-житсу, дзюдо ва спорт курашларини ривожлаштиришга йўналтиришини маълум қилди.

АҚШ фуқароси бўлган Мераб Двалишвилини Грузия пойтахти Тбилиси шаҳрида минглаб аҳоли кутиб олди. У икки ҳафта аввал америкалик Шон О’Мэллини очколар ҳисобига кўра мағлуб этиб, UFC чемпионлик камарини қўлга киритганди. Катта эҳтимол билан унинг кейинги рақиби рейтингнинг иккинчи поғонасида бораётган россиялик Умар Нурмагомедов бўлади.