Грузиялик рақибни чиройли усулда таслим этган Бахтиёров 1/2 финалга чиқди

Мусобақанинг -60 кг вазн тоифасидаги беллашувларида юртимиз шарафини ҳимоя қилаётган дзюдочимиз Камолиддин Бахтиёров ярим финал иштирокчисига айланди. У ҳозиргина якунига етган чорак финал беллашувида грузиялик Шакро Шатиришвилини оғритиш усули билан мағлубиятга учратди.

Вазари баҳоси билан ютқазаётган Бахтиёров аввалига мувозанатни тиклади. Кейин эса баҳс якунланишига бир неча сония қолганида рақибини партерда "ушлаб" олди. Энди у финал чиптаси учун озарбайжонлик Туран Байрамовга қарши татамига чиқади.