21 окт 18:25
Янгиликлар
Теннис
Guangzhou Challenger: Ҳумоюн Султоновни чорак финал остонасида тўхтатишди
Хитойнинг Гуандун провинцияси Гуанчжоу шаҳри Нанша туманида ўтказилаётган Guangzhou Nansha International Challenger турнирида Ўзбекистоннинг иккинчи ракеткаси Ҳумоюн Султонов навбатдаги ўйинини ўтказди.
Мукофот жамғармаси 107 минг долларни ташкил этувчи турнирнинг асосий тўри илк даврасида Султонов швейцариялик 29 ёшли Лука Кастельнуово (ATP-449) билан баҳс олиб бориб, ғалаба қозонгани ҳақида хабар бергандик.
ATP рейтингида 431-ўринни эгаллаб турган 27 ёшли Султонов мусобақанинг нимчорак финал босқичи доирасида америкалик Андре Илаганга қарши кортга чиқди. 1 соат, 25 дақиқа давом этган ўйинда 25 ёшли Илаган 7/5, 6/2 ҳисобида ғалабага эришди.
Маълумот учун, Андре Илаган ҳозирда ATP рейтингида 203-ўринни эгаллаб турибди.
Ҳавола :
Манба : olamsport.com
Фикрлар