Guangzhou Nansha International. Султонов икки ғалаба эвазига асосий тўрга йўл олди

Guangzhou Nansha International Challenger мусобақасининг саралаш баҳсларида ҳамюртимиз Ҳумоюн Султонов ҳам муваффақиятли иштирок этди. Мамлакатимизнинг иккинчи ракеткаси икки ғалабаси эвазига турнирнинг асосий тўрига йўлланма олди. 

Султонов кеча 1/2 финалда хитойлик Сяоинь Янни 6/1, 6/4 ҳисобида мағлубиятга учратганди. Бугун теннисчимиз асосий тўрга йўлланма тақдим этган саралашнинг финал учрашувида грузиялик Саба Пурцеладзени қийинчилик билан мағлубиятга учратди - 6/4, 7/6(6). 

Таққослаш учун, Ҳумоюн ATP рейтингида 444, Саба эса 581-ўринни эгаллаб турибди. Бир соату 48 дақиқа давом этган баҳсда Султонов 12, Пурцеладзе 19 та эйс зарбасини амалга оширди. Вакилимиз қўшхатога йўл қўймади (грузияликда 7 та қўшхато). Теннисчиларнинг ўзаро учрашувларида ҳамюртимиз олдинда бормоқда - 3:1.