Гукеш Доммаражу vs Жавоҳир Синдаров: Жаҳон тожи учун матч қаерда ва қайси қоидалар асосида ўтказилади?

Режа бўйича Жаҳон тожи учун матч шу йилнинг ноябрь ойи охири декабрь ойининг бошларида ташкил этилади. Ҳозирча бу суперматчга қайси давлат мезбонлик қилиши аниқ эмас. Амалдаги чемпион ҳиндистонлик Гукеш Доммаражу! Ҳиндистон ўзини шахмат мамлакати деб атайди ва шу билан бирга мамлакатда шахматни қўллаб-қувватловчи миллиардерлар талайгина. Айтмоқчи бўлаётганимиз, матч мезбонлигини олиш учун тиш-тирноқлари билан ҳаракат қилишади. 

Биздаги маълумотларга кўра, Тошкент шаҳри ҳам мезбонликни шунчаки бериб қўймоқчи эмас. Айрим хабарларга ишонадиган бўлсак, мезбонлигимиз масаласи деряли ҳал бўлган. Ҳозирча бу борада ҳеч қандай расмий маълумот йўқ. 

Жаҳон тожи учун кечадиган матчнинг ўзига келсак, у 14 та классик партиядан иборат бўлади. Биринчи бўлиб 7,5 очко ёки ундан кўпроқ тўплаган шахматчи ғолиб дея эълон қилинади ва қолган партиялар ўтказилмайди. Агар 14 партиядан кейин ҳам ҳисоб тенг бўлса, у ҳолда тай-брекларга мурожаат қилинади. 

Маълумот учун, Гукеш Доммаражу 2024 йилнинг 12 декабрь куни хитойлик Дин Лижэнни 7,5:6,5 ҳисобида мағлубиятга учратиб, 18 ёшида 18-Жаҳон чемпионига айланган эди.