13 дек 17:06
Янгиликлар
Шахмат
Гукеш: "Жаҳон чемпиони бўлиш - дунёдаги энг зўри дегани эмас. Ҳали Магнус Карлсен бор"
Кеча шахмат бўйича жаҳон чемпионлигини қўлга киритган Гукеш шахмат тожи учун Магнус Карлсен билан ўйнаш истаги борлигини айтди.
"Дин хатога йўл қўйганини тушунган пайтим, менимча ҳаётимдаги энг зўр лаҳза бўлди.
Улкан орзум ушалди, мен жуда бахтлиман. Мақсадим - чўққида имкон қадар кўпроқ қолиш. Фаолиятим энди бошланмоқда, мен ўйнашни бошлаганимга бор-йўғи 10 йил бўлди.
Жаҳон чемпиони бўлиш ҳали дунёдаги энг зўри эканлигимни англатмайди. Магнус бор. Юқори даражадагилар менга мотивация беради. Бу мени тўғри ҳаракатланишга мажбур қилади.
Дунё биринчилиги учун Магнус билан ўйин ўтказиш ажойиб бўларди. Бу энг қийин синов бўларди. Аммо барчаси Магнусга боғлиқ. Мен жон деб дунёнинг энг зўр ўйинчисига қарши ўзимни синаб кўрган бўлардим", - деди Гукеш.
Ҳавола :
Манба : The Indian Express
Фикрлар