27 янв 13:32
Янгиликлар

Спорт курашлари

Ғуломжон Абдуллаев ва Сардор Рўзимов Россиядаги халқаро турнир совриндори бўлди

Шу кунларда Россиянинг Красноярск шаҳрида икки карра Олимпиада чемпиони Иван Яригин хотирасига бағишланган эркин ва аёллар кураши бўйича халқаро турнир ўтказилмоқда.

Мусобақада 24 мамлакатдан ташриф буюрган курашчилар, жумладан Ўзбекистон терма жамоаси аъзолари ҳам иштирок этмоқда.

Кеча, мусобақанинг иккинчи куни доирасида икки нафар вакилимиз — Ғуломжон Абдуллаев (-65 кг) ҳамда Сардор Рўзимов (-61 кг) бронза медалини қўлга киритди.

Бугунги дастурда Бекзод Абдураҳмонов (-74 кг) ва Магомед Ибрагимов (-97 кг) каби Олимпия ўйинлари совриндорлари медаллар учун гиламга чиқишади.