11 апр 19:01
Янгиликлар

Спорт курашлари

Ғуломжон ва Жавраил олтин, Бекзод ва Магомед кумуш медаль соҳиблари

Теглар : Ғуломжон Абдуллаев Жавраил Шапиев

Қозоғистоннинг Олмаота шаҳри мезбонлик қилган спорт курашлари (эркин, юнон-рум ва аёллар кураши) бўйича Токио Олимпиадасига Осиё лицензион турнири якунланди.

Хабар берганимиздек, ҳал қилувчи финал учрашувига 4 нафар курашчимиз етиб келган эди. Улардан 57 кг вазн тоифасида юртимиз шарафини ҳимоя қилган Ғуломжон Абдуллаев ҳамда 86 кг вазндаги Жавраил Шапиев хитойлик рақибларини мағлубиятга учратиб, олтин медални қўлга киритишди. Абдуллаев Лиу Мингхуни, Шапиев эса Дин Зушендан устун келди.

Эронлик курашчилар билан тенгма-тенг курашган Бекзод Абдураҳмонов (74 кг) ва Магомед Ибрагимов (97 кг) кумуш медалга сазовор бўлишди. Жароҳати сабаб 65 кг вазн тоифасидаги курашчимиз Иляс Бекбулатов бронза медали учун беллашувга чиқа олмади.

Яна бир бор эслатиб ўтамиз, финалга етиб келган Ғуломжон Абдуллаев, Бекзод Абдураҳмонов, Жавраил Шапиев ва Магомед Ибрагимов Токио Олимпиадаси йўлланмасини ҳам қўлга киритишди.