03 сен 08:47
Янгиликлар

Бокс/ММА

Гусков дебют қилган UFC Fight Night 226 турнирининг бонус соҳиблари маълум

Хабарингиз бор, кеча тунда Франция пойтахти Париж шаҳрида навбатдаги UFC турнири бўлиб ўтди.

UFC Fight Night 226 турнири якунланганидан сўнг ташкилотчилар томонидан бонус соҳиблари эълон қилинди. Бошқалардан ажралиб турган тўрт нафар жангчи кафолатланган гонорардан ташқари 50 000 долларлик мукофот пулларини қўлга киритди.

Бенуа Сен-Дени ва Тиаго Мойзес ўртасидаги тўқнашув кечанинг энг яхши жанги деб топилди. Ҳар икки жангчи бонусга лойиқ кўрилган. Сирил Ган ва Морган Шарье эса ёрқин жанглари учун 50 000 долларни қўлга киритишди.

Эслатиб ўтамиз, UFC Fight Night 226 турнирида ҳамюртимиз Богдан Гусков омадсиз дебют қилди. У рейтингнинг 9-поғонасида бораётган Швейцария вакили Волкан Оздемирга имкониятни бой бериб қўйди.