Гусковнинг вазнидаги чемпион Карлос Ульберг Анкалаевнинг ғалабасига муносабат билдирди

"Мен ўзимга керак бўлган нарсани кўрдим ва имкон қадар тезроқ октагонга қайтиш учун қўлимдан келганини қиламан. Мен доим Анкалаевни асосий даъвогарлардан бири деб ҳисоблаганман, шунинг учун у кейинги рақибим бўлиши мумкин бўлганлар қаторига кириши аниқ. Айтганимдек, мен ўзимга керакли нарсани кўрдим. Айнан шу нарсага эътибор қаратаман", - деди янги зеландиялик чемпион Абу-Дабидаги UFC Fight Night 282 турниридан сўнг берган интервьюсида.

Ульберг Иржи Прохазка билан чемпионлик жангида тиззасининг олдинги хочсимон бойламининг йиртилиши туфайли сафдан чиққанди. У биринчи раунддаёқ Иржини нокаутга учратиб, Алекс Перейра томонидан бўш қолдирилган вакант чемпионлик камарини қўлга киритганди. Чемпионнинг сўзларига кўра, у 2027 йил бошида октагонга қайтишни режалаштирмоқда.

"Ҳозир менинг асосий вазифам жароҳатдан кейин тикланиш учун зарур бўлган барча ишларни бажаришдир. Мен, шунингдек, имкон қадар тезроқ, аммо максимал даражада хавфсиз қайтиш учун UFC PI мутахассислари билан яқиндан ишлаяпман. Қайтишни келгуси йилнинг бошига мўлжаллаяпмиз. Жуда эрта қайтмаслик ва қайта жароҳат олмаслик учун ақл билан ҳаракат қилиш керак", - дея тушунтирди Ульберг.