06 июн 10:14
Янгиликлар

Бокс/ММА

Густафссон қайтмоқда, у Вердумга қарши октагонга чиқади

Ярим оғир вазнда UFC чемпионлик камарига собиқ даъвогар Александер Густафссон фаолиятини қайта тикламоқда.

Катта эҳтимол билан у 25 июль куни ўтказиладиган UFC оқшомида октагонга кўтарилади. Шу билан бирга у вазнини ўзгартиради ва оғир вазн тоифасида жанг ўтказади. Унинг рақиби жуда катта эҳтимол билан собиқ UFC чемпиони Фабрисио Вердум бўлади.

Вердум варианти ўхшамаган тақдирда ярим оғир вазнда UFC чемпионлик камарига собиқ даъвогар Овинс Сен-Пре швециялик жангчига рақиблик қилади. Ҳар икки спортчи ҳам сўнгги жангида мағлубият аламини тотиб кўрган. Вердум яқинда Алексей Олейникка, Овинс эса Бен Ротвеллга ютқазиб қўйганди.

Густафссонга келсак, у сўнгги бор ўтган йилнинг июнь ойида октагонда кўриниш берган. Ўшанда Густафссон Стокгольм шаҳрида Энтони Смитга ютқазган ва жанг якунланганидан сўнг спортдан кетишини эълон қилган эди.