Гвардиола кечаги камбекдан сўнг нималар деди?

"Ушбу ўйиндан олдин "Саутгемптон" 19 та ўйинда мағлуб бўлмаган эди, шунинг учун бу осон ўйин бўлади деб ўйламаган эдим. Иккинчи бўлимда Жереми Доку ва Савиодан олган энергиямиз бизга ёрдам берди, лекин агар улар ўйинни асосий таркибда бошлашганда, бундай ҳолат бўлмасди. Бошланғич таркибдаги ўйинчилар бугун дам олишга ҳақли эдилар, чунки ҳар 3 кунда ўйин ўтказиш жароҳатлар пайдо бўлишига сабаб бўлади.

Биринчи бўлим ёмон бўлмади. Дарвозамиз яқинида кўп имкониятлар яратмадик. Иккинчи бўлимда биз "Бёрнли"га қарши ўйинда бўлгани каби ўйнадик, аммо афсуски, рақиб жарима майдончасида етарлича қатъий бўлмадик.

"Саутгемптон" иккинчи бўлимда бизнинг майдонимизни неча марта кесиб ўтди? Бир марта. Лекин улар қандай гол уришди! Футболни олдиндан айтиб бўлмайди. Рақибларимизга уларнинг ҳимоявий ўйини ва умумий ўйини учун миннатдорчилик билдиришимиз керак. Яна бир бор айтаман, жамоамиз иккинчи бўлимда шунчаки ажойиб ўйнади. Бунинг учун барчага раҳмат айтаман", - деди Гвардиола.