21 окт 14:55
Янгиликлар
Футбол
Гвардиола: "У - мен кўрган энг иқтидорли футболчилардан бири"
"Манчестер Сити" бош мураббийи Пеп Гвардиола жамоанинг 22 ёшли франциялик ҳужумкор ярим ҳимоячиси Райан Шерки ҳақида фикр билдирди.
"Райан Шерки мен фаолиятимда кўрган энг иқтидорли футболчилардан бири. Техник жиҳатдан у ўз ўйинининг энг юқори поғонасида. Ҳар сафар у тўпни қабул қилганда вазият бизнинг фойдамизга яхшиланади. У энди жамоага келганда бироз босимда эди, ҳозир эса барчаси ортда қолди", - дея Гвардиоланинг сўзларини келтиради клуб расмий сайти.
Райан Шерки "Манчестер Сити"га 2025 йилнинг ёзида "Лион"дан 45 миллион евро эвазига ўтган эди. Жорий мавсумда у клуб сафида АПЛда 3 та ўйин ўтказиб, битта гол урди.
Ҳавола :
Манба : championat.asia
Фикрлар