19 янв 14:23
Янгиликлар

Дзюдо

Ҳакамларимиз Қатарда IJF семинарида иштирок этишди ФОТОГАЛЕРЕЯ

Қатар пойтахти Доҳа шаҳрида Халқаро дзюдо федерацияси томонидан ҳакамлар учун семинар ўтказилди.

Икки кун давом этган мазкур халқаро семинарда дунёнинг кўплаб давлатларидан ҳакамлар иштирок этишди. Улар орасида ўзбекистонлик олти ҳакам - Ниғмонжон Мирзараҳмонов, Рамзиддин Саидов, Вячеслав Перетейко, Камол Муродов, Улуғбек Азизов ва Рустам Аметов ҳам бор эди.

Семинарда ҳакамликдаги баъзи ўзгаришлар, қўшимчалар, Токио-2020 Олимпиадаси йўлидаги рейтинг мусобақалар ва ундаги ҳакамлик масалалари юзасидан ахборот берилди, фикр алмашилди.

Ҳакамларимиз Тошкентга қайтгач, Ўзбекистон дзюдо федерациясида ёш ҳамкасблари ва терма жамоамиз аъзоларига Қатардаги семинардан олган таассуротлари билан ўртоқлашишди.