29 ноя 17:02
Янгиликлар
Шахмат
Ҳамдардлик билдирамиз
Бугун Ўзбекистон Республикасида хизмат кўрсатган журналист, мамлакатимизда шахмат спортининг ривожига салмоқли ҳисса қўшган инсон, таниқли спорт шарҳловчиси Акром Тошхўжаев 66 ёшида оламдан ўтди.
Бу ҳақида Жисмоний тарбия ва спорт вазирлиги матбуот хизмати хабар берди.
Акром Тошхўжаевнинг бутун меҳнат фаолияти Ўзбекистон миллий телерадиокомпаниясида ўтган. Узоқ йиллар «Ўзбекистон» телеканалида, 2004 йилдан то нафақага чиққунга қадар «Спорт» телерадиоканалида ишлаган.
Айниқса Акром ака ўзбекистонлик биринчи ва ҳозирча ягона жаҳон чемпиони (катталар ўртасида) Рустам Қосимжоновнинг чемпионлик тожи учун ўтказган ўйинларини юксак савияда шарҳлаб, мухлису-мутахассислар назарига тушганди.
Сайтимиз ва Жисмоний тарбия ва спорт вазирлиги жамоаси кўп сонли спорт ихлосмандлари номидан марҳумнинг оила аъзолари ва яқинларига чуқур ҳамдардлик билдиради.
Марҳумнинг руҳи шод, охирати обод бўлсин!
Ҳавола :
Манба : Спорт вазирлиги
Фикрлар