Ҳамюртимиз Осиё регби уюшмаси ижроия қўмитаси аъзолигига қайта сайланди

Мажлис пандемия шароитини ҳисобга олган ҳолда видеоконференция шаклида ташкил этилди.

Биз учун аҳамиятлиси, Осиё регби уюшмасининг Кенгаш мажлисида Ўзбекистон регби федерацияси бош котиби Каҳрамон Жалилов Осиё регби уюшмаси ижроия қўмитаси аъзолигига қайтадан 4 йил муддатга сайланди.

Қ.Жалиловнинг сайловолди дастуридаги муҳим бандлардан бири – бу Марказий Осиё регби ҳудудини янада ривожлантириш, барча ёш тоифалари бўйича мусобақалар сонини ошириш, МДҲ давлатлари ва узоқ хорижий мамлакатлар билан алоқаларни ривожлантиришдан иборат эди.

Осиё регби уюшмаси ижроия қўмитаси аъзолигига қайта сайланганлигига изоҳ берар экан, Қаҳрамон Жалилов қуйидагиларни билдирди: «Ушбу воқеа Халқаро регби ҳамжамиятининг Ўзбекистонда ушбу Олимпия спорт турини ривожлантиришга юқори эътибор ва ишончни намойиш этади. 

Қолаверса, бу Ўзбекистон Республикаси Президенти томонидан 2019 йилда тасдиқланган мамлакатимизда регби спортини ривожлантириш бўйича ҳукумат дастурининг қабул қилинганлигига миннатдорлик ифодасидир».

Осиё регби уюшмаси ижроия қўмитасига Ўзбекистондан ташқари Жанубий Корея, Таиланд, Хитой, Эрон ва Ливандан ҳам вакиллар сайланишди.