Ҳамюртимиз Париж-2024 ёзги Паралимпия ўйинларига иккинчи лицензиясини қўлга киритди!

Қудратуллахон Маъруфхўжаев диск улоқтиришда ҳам тенгсиз бўлди ва Париж-2024 ёзги Паралимпия ўйинларига иккинчи лицензиясини қўлга киритди!

Қувонарлиси, мусобақанинг сўнгги куни ҳам биз учун муваффақиятли бошланди. Бундан бироз аввалроқ эркаклар ўртасида Ф37 классида диск улоқтириш дастурида стартга чиққан ҳамюртимиз Қудратуллахон Маъруфхўжаев 54.11 метр натижа билан делегациямиз ҳисобига навбатдаги олтин медални қўшиб қўйиш билан бир қаторда ушбу йўналишда Париж-2024 ёзги Паралимпия ўйинларига ҳам тўғридан-тўғри лицензияни қўлга киритди.

Эслатиб ўтамиз, Қудратуллахон Маъруфхўжаев бундан аввал ушбу жаҳон чемпионатида ядро улоқтириш дастурида 15.68 метр натижа билан олтин медалга сазовор бўлган эди.