31 июл 09:08
Янгиликлар

Енгил атлетика, Сув спорти турлари

Ҳамюртларимиз "Осиё болалар" спорт ўйинларида медаллар шодасига эга чиқишди

Шу кунларда Россия Федерациясининг Владивосток шаҳрида “Осиё болалари” спорт ўйинлари давом этмоқда.

Учинчи кунги беллашувларда ҳам вакилларимиз медаллар жамғаришни бошлаб юборишди.

Уляна Назмутдинова 100 метрга чалқанча сузишда 1.06.75 натижа билан бронза медалини қўлга киритди. Спортчиларимиз Ўзбекистон делегациясига навбатдаги медаллар шодасини енгил атлетика спорти бўйича тақдим этишди.

Енгил атлетикачиларимиз Рустам Абдуллаев (100 м) олтин, Амир Ишонходжаев (100 м), Карина Каримова (100 м), Ислом Тилаболдиев (400 м) ва Рухшона Муҳаммадинова (3 000м) бронза медалларни қўлга киритишди.

Терма жамоамиз ҳисобида яна икки медал. Енгил атлетиканинг узунликка сакраш дастурида қатнашган ҳамюртларимиз Рустам Абдуллаев олтин , Сарвар Мейлиев эса кумуш медалга сазовор бўлди.

Шу тариқа, “Осиё болалари” халқаро спорт ўйинларида ҳозирча Ўзбекистон терма жамоаси ҳисобида 13 та медал, яъни 4 та олтин, 4 та кумуш ва 5 та бронза бор.