Ҳақиқий сенсация! Қувайт Арманистонни мағлуб этиб, Ўзбекистонга катта ёрдам берди. Хоккейчиларимиз бугун навбатдаги ўйинида музга чиқади

Кун давомида Ўзбекистон миллий терма жамоаси эронлик хоккейчиларга қарши музга чиқиб, 20:0 ҳисобида ғалаба қозонди. Иккинчи беллашувда индонезияликлар Малайзия термасидан 7:4 ҳисобида устун келди.

Мусобақа мезбони бўлмиш Арманистон эса Қувайтга қарши баҳс олиб борди ва кутилмаганда овертаймда 4:5 ҳисобида имкониятни бой бериб қўйди.

Бу орқали Ўзбекистон терма жамоаси 7 очко билан дивизион пешқадамига айланиб олди. Арманистон эса иккинчи ўринга тушди. Олдинда ҳар бир терма жамоани иккитадан ўйин кутиб турибди. Вакилларимиз III Б дивизионига йўл олиши учун мазкур ўйинларнинг барчасида асосий вақтда ғалаба қозонишлари талаб этилади.

Бугун хоккейчиларимиз тўртинчи тур доирасида Индонезия жамоасига қарши музга чиқади. Ўйин Тошкент вақти билан 15:00 да бошланади. Арманистон эса бу сафар Эрон билан тўқнаш келади.