Ҳар икки курашчимиз рейтинг сериясига кирувчи турнирнинг саралаш босқичидаёқ ютқазди

Эркин, юнон-рум ва аёллар кураши бўйича ўтказилаётган ушбу мусобақада Ўзбекистон терма жамоаси ҳам иштирок эта бошлади. Бугун мусобақанинг илк куни эркин кураш бўйича беллашувлар ўтказиляпти. 

Афсуски, ҳар икки курашчимиз ҳам саралаш босқичидаёқ рақибларига имкониятни бой бериб, ўз иштирокларини якунлаб улгуришди. Париж-2024 Олимпиадаси лицензианти Ғуломжон Абдуллаев (57 кг) илк даврада эронлик Али Ҳоссейн Моменжужадеҳни таслим этди. Аммо 1/4 финалда озарбайжонлик Алиаббас Рзазадега туше баҳоси билан ютқазиб қўйди. 

65 кг вазндаги беллашувлар айлана тарзида ташкил этилди. Истеъдодли курашчимиз Умиджон Жалолов 1-раундда венгриялик Исмаил Мусукаевга имкониятни бой берди. Жароҳат сабаб ҳамюртимиз Ҳажи Алиев (Озарбайжон) ва Котаро Киюка (Япония)га қарши гиламга чиқмади.