Ҳасанбой Бибосинов билан жанг ҳақида: "Реванш оламан. Шунинг учун ҳам ҳаваскор боксга қайтдим"

"Бу рақибим билан биринчи марта бокс тушишим. Бунгача жангларини кўриб чиққандим. Уни ўрганиб олишга 1 раунд кетди ва шу сабабли ютқазиб қўйдим. Бурчакка келганимдан кейин мураббийлар кўрсатмалари билан жангни давом эттирдим ва ғалабани ўз томонга оғдириб олдим. 

Навбатдаги жангим, ўзим кутган рақиб - Сакен Бибосинов билан бўлади. Худо хоҳласа реванш оламан. Шунинг учун ҳам ҳаваскор боксга қайтдим. Яна барчасини исботлаш учун. 

Ҳакамлар? Бундайлар ҳолатлар бўлиб туради. Ярим финалга 10 нафар боксчи билан келдик. Ёшларда ҳали имкониятлар кўп. Масалан Асадхўжа Мўйдинхўжаев ютганди, аммо кўрганигиздек ғалаба рақибга берилди", - деди Ҳасанбой. 

Эслатиб ўтамиз, Ҳасанбой кеча ярим финалда мўғулистонлик рақибни мағлуб этганди. Эртага у финалда қозоғистонлик Сакен Бибосинов билан жанг ўтказади. У 2021 йил Сербияда ўтказилган жаҳон чемпионатида Бибосиновга имкониятни бой бериб қўйганди.