10 дек 13:10
Янгиликлар

Бокс/ММА

Ҳасанбой Дўсматов IBA камари учун жанг қилади. Сана, рақиб ва манзил маълум!

Профессионал боксда мағлубиятсиз одимлаётган чарм қўлқоп устамиз Ҳасанбой Дўсматовнинг навбатдаги жанги санаси, манзили ва рақиби маълум бўлди.

Унга кўра, Дўсматов 2024 йилнинг 13 январь куни Хорватия пойтахти Загреб шаҳрида ташкил этиладиган IBA чемпионлар оқшоми турнирида рингга кўтарилади. Ҳамюртимизнинг рақиби испаниялик Самуэль Кармона бўлади.

Икки боксчи кеча Дубайдаги IBA Чемпионлар оқшомида юзма-юз келишди. IBA камари учун кечадиган жангнинг face to face маросимини икки вазнда собиқ UFC чемпиони Конор Макгрегор ўтказиб берди.

Маълумот учун, Кармона Ҳасанбой чемпион бўлган Рио-2016 Олимпиадасининг иштирокчиси ҳисобланади. Ўшанда Дўсматов -49 кг вазнда чемпионликка эришган бўлса, Кармона 1/4 финалда колумбиялик Юберхен Мартинесга ютқазиб қўйганди.

"Ин Ша Аллоҳ, IBA чемпионлик камарини Ўзбекистонга олиб келаман", - дейди Дўсматов.