22 июн 07:15
Янгиликлар
Бокс/ММА
Ҳасанбой Дўсматов камарини тортиб олмоқчи бўлган жаҳон рекордчиси фаолиятини якунлади
Ўта енгил вазн тоифасида WBС камари соҳиби Ванхенг Менайотин фаолиятини якунлаганини эълон қилди.
Таиландлик боксчи профессионал боксда жами 54 та жангда иштирок этиб, барчасида ғалаба қозонган. Бу билан Ванхенг афсонавий Флойд Мейвезерга тегишли бўлган (50-0) рекордни янгилашга муваффақ бўлганди.
"Бокс билан хайрлашсам, ўзим учун яхши бўлишини тушундим. Жисмоний ҳолатим қандай эканлигини яхши биламан ва айни дам фаолиятимни якунлаш учун энг қулай фурсат", - деган Ванхенг Менайотин.
Эслатиб ўтамиз, ҳамюртимиз Рио-2016 Олимпия ўйинлари ғолиби Ҳасанбой Дўсматов Ванхенг Менайотинга қарши жанг қилиш истаги борлигини маълум қилганди.
Ҳавола :
Манба : isport
Фикрлар