Ҳасанбой Дўсматов Москвада жанг ўтказади

Россия Федерацияси пойтахти Москва шаҳрида ташкил этиладиган бокс оқшомида ҳамюртимиз мезбон Павел Гунченкога қарши рингга кўтарилади. 

Эслатиб ўтамиз, Ҳасанбой 2019 йилнинг ноябрь ойида проф рингдаги дебютини нишонлаган ва ўшанда мексикалик Хесус Виллануэвани иккинчи раундда нокаутга учратганди. 

Россиялик Павел Гунченко ҳам 2019 йилда проф боксда дебют қилган ва рақибини 4 раундлик жангда очколар эвазига мағлубиятга учратган.

Демак ҳар икки боксчи учун ушбу жанг проф боксдаги иккинчи баҳс бўлади.