24 дек 07:43
Янгиликлар

Бокс/ММА

Ҳасанбой Дўсматов Москвада тарозига чиқди, бугун жанг + ФОТО

Бугун Россия Федерацияси пойтахти Москва шаҳрида профессионал бокс кечаси ташкил этилади.

Биз учун аҳамиятлиси, оқшом доирасида Рио Олимпиадаси чемпиони Ҳасанбой Дўсматов ҳам рингга кўтарилади. Ҳасанбойнинг проф рингдаги иккинчи рақиби россиялик Павел Гунченко бўлади. Кеча ҳар икки боксчи ҳам тарозидан ўтиш маросимида иштирок этишди ва белгиланган вазн меъёрини бажаришди.

Маълумот учун, Ҳасанбой Дўсматов 2019 йилнинг ноябрь ойида Мексикада проф рингдаги дебютини нишонлаган ва ўшанда мексикалик Хесус Виллануэвани иккинчи раундда нокаутга учратганди. Гунченко ҳам 2019 йилда профессионал боксда дебют қилган ва рақибини 4 раундлик жангда очколар эвазига мағлуб этган эди.