22 май 10:51
Янгиликлар

Бокс/ММА

Ҳасанбой Дўсматов проф рингдаги бешинчи жангини ўтказди + ФОТО

Рио Олимпиадаси чемпиони Ҳасанбой Дўсматов бироз аввал Мексикада профессионал рингдаги бешинчи жангини ўтказди.

Биринчи ўта енгил вазн (48,8 кг) тоифасидаги чарм қўлқоп устамиз мексикалик Мойзес Гуттерез (10-3, 5КО)га қарши рингга кўтарилди. Cаккиз раундга мўлжалланган жанг учинчи раундда тўхтатилди. Дўсматов раунд бошланиши билан кучли ва аниқ зарбалар йўллаб, ринг бурчагида рақибини техник нокаутга учратди.

Шу тариқа, Ҳасанбой Дўсматов проф рингдаги бешинчи ғалабасини тантана қилди. Ушбу бокс оқшомида Иқболжон Холдаров ҳам мексикалик рақиби Рамон Баражасни очколар ҳисобида мағлубиятга учратган эди.