Ҳасанбой Дўсматов Тошкентда навбатдаги жангини ўтказади

Olamsport.com сайти маълумотига кўра, Ҳасанбой 3 апрель куни "Ҳумо Арена"да ташкил этиладиган жанг оқшомида рингга кўтарилади. Ҳозирча унга қайси боксчи рақиблик қилиши номаълум. 

Мазкур жанг оқшомининг марказий тўқнашувида Муроджон Аҳмадалиев япониялик Рёсуки Ивасадан ўзига тегишли WBA/IBF камарларини ҳимоя қилади.

Эслатиб ўтамиз, Ҳасанбой Дўсматов бунгача проф рингда икки маротаба жанг ўтказган ва уларнинг ҳар иккисида ҳам рақибларини нокаут эвазига мағлуб этган.