14 дек 16:52
Янгиликлар

Бокс/ММА

Ҳасанбой Дўсматов янги вазнда Ўзбекистон чемпионатидаги илк жангини ўтказди

Хабар берганимиздек, Самарқанд олимпия захиралари коллежи бокс бўйича катталар ўртасидаги Ўзбекистон чемпионатига мезбонлик қилмоқда.

Бундан бир неча дақиқа аввал Рио Олимпиадаси чемпиони Ҳасанбой Дўсматов ўзи учун янги бўлган -52 кг вазн тоифасида рингга кўтарилди. AIBA томонидан вазнларнинг камайтирилиши натижасида энг енгил ҳисобланган -49 кг вазн тоифаси мусобақалар дастуридан олиб ташланган эди.

Қуръа натижасига кўра, Ҳасанбой Дўсматов биринчи жангида Муҳаммадмусо Абдураҳмонов билан тўқнаш келди. Бу Дўсматов учун -52 кг вазн тоифасида Ўзбекистон чемпионатида ўтказган илк жанги эди. Уч раунд давомида катта устунликка эга бўлган Ҳасанбой 5:0 ҳисобида ғалаба қозонди.