Ҳасанбой Дўсматовнинг иккинчи жанги камар учун бўлиб ўтади

Чарм қўлқоп устамиз Мексиканинг Гуанахуато штати маъмурий маркази ҳисобланган Сан-Мигель-де-Альенде шаҳрида ўтган профессионал бокс кечасида мексикалик 19 ёшли Хесус Сервантес Виллануэвани иккинчи раундда нокаутга учратган эди. Бизга берган интервьюсида Ҳасанбой режалари билан ўртоқлашди.  

"Ҳозир Ватанга қайтяман. Янги йил байрамини оила аъзоларим даврасида ўтказганимдан сўнг яна АҚШга жўнаб кетаман. Иккинчи жангим чемпионлик камари учун бўлиб ўтади. Ўз вазн тоифамда Қитъалараро WBA чемпионлик камари учун рингга чиқаман. Аслида бу камар учун дебют жангимдаёқ рингга кўтарилишим керак эди. Лекин Хитой визаси ўз вақтида чиқмагани учун, Чин юртига белгиланган жангга бора олмадик. WBA Intercontinental камари учун жанг айнан Хитойда щтказилиши керак эди", - деди Дўсматов.