Ҳасанбой Дўсматовнинг навбатдаги рақиби, жанг санаси ва манзили маълум

Бу ҳақда унинг ўзи сайтимиз мухбирига хабар берди. Унга кўра, Дўсматов 21 май куни Мексиканинг Мехико шаҳрида мезбон боксчи Каро Мойзес Гутьеррезга қарши рингга кўтарилади.

Каро фаолияти давомида 10 та жанг ўтказиб, уларнинг 8 тасида ғалаба қозонган. Яна икки жангни дуранг билан якунлаган. Гутьеррез 5 та жангда рақибларини нокаутга учратган.

Ҳасанбой Дўсматов эса проф рингда 4 та жанг ўтказиб, барчасини муддатидан олдин ғалаба билан якунлаган.

Эслатиб ўтамиз, Ҳасанбой Дўсматов ўтган йилнинг декабрь ойида Тошкентда ўтган профессионал бокс оқшомида Хосе Ривас (18-13-4, 10КО)га қарши рингга кўтарилган ва рақибини муддатидан аввал мағлубиятга учратганди.