Ҳасанбой Ҳиндистонга бормайди, у боксчилар форумида қатнашади

Бу ҳақида Ўзбекистон бокс федерацияси матбуот хизмати хабар қилмоқда.

У 1 - 4 февраль кунлари ўтказилади. Жахон бокс тарихида илк маротаба жахоннинг етакчи бокс ташкилотлари рахбарлари, шунингдек, олимпия чемпионлари, жахон чемпионлари, промоутерлар, менеджерлар ва бокс бўйича мураббийлар ўртасида учрашувлар бўлиб ўтади.

Ушбу форумда Ўзбекистон бокси юлдузлари Ҳасанбой Дўсматов ва Шаҳобиддин Зоировлар ҳам қатнашишади.

Аввалроқ, сайтимиз орқали Ҳасанбой Дўсматов Ҳиндистонда ташкил қилинадиган халқаро турнирда иштирок этиши ҳақида хабар қилгандик.

Биринчи халқаро бокс форуми Россия бокс федерацияси ташаббуси билан Халқаро ва профессионал бокс федерацияси билан хамкорликда ўтказилмоқда. Тадбирда 130 дан ортиқ мамлакат вакиллари иштирок этадилар. Расмий дастур иштирокчилари орасида AIBA президенти вазифасини бажарувчи Франко Фальчинелли, WBC президенти Маурисио Сулаймон, WBA президенти Жилберто Мендоза, IBF рахбари Дарл Пиплс, уч карра Олимпия ва олти карра Жахон чемпиони кубалик Феликс Савонлар бор.