15 янв 09:38
Янгиликлар

Бокс/ММА

Ҳасанбой ва Исроил Кубага бормайди, улар Тошкентда рингга чиқишади

Хабар берганимиздек, Uzbek Tigers жамоаси Бутунжаҳон бокс сериясининг саккизинчи мавсумида иштирок этади.

“Ўзбек йўлбарслари” дастлабки учрашувни 9-10 февраль кунлари Куба пойтахти Гавана шаҳрида ўтказишади. Унда боксчилар 52, 60, 69, 81 ҳамда +91 кг вазн тоифаларида рингга кўтарилишади.

Ҳозирча Озодлик оролига йўл оладиган таркиб маълум эмас. Айни пайтда биринчи ва иккинчи рақамли чарм қўлқоп усталаримиз Янгиобод базасида ўқув-машғулот йиғинини ўтказишяпти. Ушбу йиғин 18 январга қадар давом этади.

Терма жамоамизнинг етакчи боксчилари Ҳасанбой Дўсматов ва Исроил Мадримов Тошкентда ўтказиладиган бокс оқшомида рингга чиқишади. -52 кг вазндаги етакчи боксчимиз Жасурбек Латипов жароҳати сабаб Кубага бормайди.