Ҳасанхон Баратовнинг навбатдаги жанг санаси, манзили ва рақиби маълум

Бу галги турнир кикбоксинг спорт туридан ўтказилади. Биз учун аҳамиятлиси, мусобақа кардидан Ҳасанхон Баратов иштирокидаги жанг ҳам ўрин олган. Ҳамюртимиз шу куни кикбоксинг бўйича 2021 йилги жаҳон чемпиони, МДҲ ўйинлари ғолиби, россиялик Дмитрий Васеневга қарши рингга чиқади.  

Ушбу турнирда муайтай ва кикбоксинг юлдузлари - К1 йўналишида бир неча карра жаҳон чемпиони, тайбокс афсоналаридан бири Алексей Кудин, таниқли ММА жангчиси Арсений Смирнов, WAKO йўналишида жаҳон чемпиони Асадулла Насипов, жаҳон ва Европа чемпиони Басир Абакаров, бокс ва ММАда яхши натижаларга эришиб келаётган Алексей Голуб сингари жангчилар рингга чиқади. 

Эслатиб ўтамиз, Ҳасанхон Баратов (9-3-0) бундан аввалги жангини ҳам айнан Екатеринбург шаҳрида ташкил этилган ММА ва кикбоксинг бўйича RCC 17 турнири доирасида ўтказган эди. Ўшанда оғир вазн тоифасидаги ўзбекистонлик аралаш яккакураш устаси кикбоксинг қоидалари асосида ўтказилган жангда россиялик Сергей Веселкин (14-3-0)га имкониятни бой бериб қўйганди.