08 дек 16:16
Янгиликлар

Бокс/ММА

Ҳавасбек Асадуллаев еттинчи финалчи!

Таиландда бокс бўйича Осиё чемпионатининг навбатдаги кунги ярим финал жанглари ўтказилмоқда.

Қитъа чемпионатида -71 кг вазн тоифасида юртимиз шарафини ҳимоя қилаётган Ҳавасбек Асадуллаев 1/2 финалда мўғулистонлик Бямба-Эрдене Отгонбаатарга қарши рингга кўтарилди. Ҳамюртимиз бундан аввалги босқич, яъни 1/4 финалда хитойлик Гуофенг Лидан 5:0 ҳисобида устун келганди.

Асадуллаев тўлиқ уч раунд давом этган 1/2 финал баҳсида 4:1 ҳисобида ғалабага эришди ва финал йўлланмасини қўлга киритди. Шу тариқа, Ўзбекистон терма жамоасининг еттинчи боксчиси ҳам финал иштирокчисига айланди.