18 май 17:24
Янгиликлар

Бокс/ММА

Ҳавасбек Асадуллаев Қозоғистон таркибига ўтган терма жамоамиз собиқ боксчиси билан жанг қилди

Кеча Қозоғистоннинг Астана шаҳри мезбонлик қилган бокс бўйича "Елорда кубоги" халқаро турнирида ярим финал жанглари ўтказилган эди.

Аҳамиятлиси, унда ҳамюртимиз, 2023 йилги Ўзбекистон чемпиони Ҳавасбек Асадуллаев жорий йил бошида Қозоғистон терма жамоаси таркибига ўтган Аман Конисбеков билан тўқнаш келди.

Уч раундлик жанг тўлиқ давом этди ва унда терма жамоамиз аъзоси Ҳавасбек Асадуллаев 4:1 ҳисобида зафар қучган ҳолда финалга йўл олди.

Маълумот учун, Конисбеков 2023 йил ноябрь ойида ўтказилган Ўзбекистон чемпионатининг 71 кг вазн тоифасида бронза медалини қўлга киритган эди.