Here WE Go. "Реал" навбатдаги трансферни ҳал қилди

Бу ҳақда журналист Фабрицио Романо ўзининг X ижтимоий тармоқдаги саҳифасида хабар бермоқда.

Манба берган маълумотга кўра, келишув якунланган ва ўтишнинг барча тафсилотлари келишиб олинган. Қайд этилишича, "Реал" 30 ёшли футболчининг шартномасидаги 20 миллион евро миқдоридаги товон пулини фаоллаштиради. Нидерландиялик футболчи ҳам "Реал"га ўтишга розилик бергани таъкидланмоқда. Расмий тасдиқ яқин вақт ичида эълон қилинади.

Якунланган мавсумда Думфрис барча турнирларда 28 та ўйинда майдонга тушиб, 5 та гол ва 2 та голли узатмага муаллифлик қилди. Футболчининг клуб билан амалдаги меҳнат шартномаси 2028 йилнинг ёзигача мўлжалланган. Transfermarkt портали маълумотларига кўра, футболчининг бозор қиймати 25 миллион еврони ташкил этади.