25 окт 18:43
Янгиликлар

Дзюдо

Ҳикматуллоҳ Тўраев терма жамоамизга иккинчи бронза медалини тақдим этди

“Катта Дубулға” туркумига кирувчи Абу-Даби мусобақасининг кечки дастурида дзюдочимиз Ҳикматуллоҳ Тўраев бронза медалини қўлга киритди.

-73 кг вазн тоифасида юртимиз шарафини ҳимоя қилган полвонимиз ҳозиргина якунига етган беллашувда бельгиялик Дирк Ван Тичельтни вазари баҳоси эвазига мағлубиятга учратди. Ушбу ғалаба Тўраевга бронза медали билан бирга 500 рейтинг очкосини ҳам тақдим этди.

Эслатиб ўтамиз, Ҳикматуллоҳ Тўраев Абу-Даби турнирида албаниялик Жон Вренози, хитойлик Дага Квинг, перулик Алонсо Вонг, озарбайжонлик Рустам Оружовдан устун келган, ярим финалда эса канадалик Артур Маргелидонга имкониятни бой бериб қўйган эди.

Бу терма жамоамизнинг иккинчи медали бўлди. Кечаги баҳсларда -60 кг вазн тоифасида татамига чиққан Рио-2016 Олимпиадаси совриндори Диёрбек Ўразбоев ҳам бронза медалини қўлга киритган эди.