Ҳиндистонда ўзбекча меҳмондўстлик: Шахмат Олимпиадаси делегатлари учун махсус тадбир ташкил этилди (ФОТОГАЛЕРЕЯ)

Ушбу Олимпиада доирасида бугун Ўзбекистон шахмат федерацияси томонидан махсус тадбир ташкил этилди. 

Яхши биласиз, Ўзбекистон 2026 йилги Бутунжаҳон шахмат Олимпиадасига мезбонлик қилиш ҳуқуқини қўлга киритиш учун ўз номзодини қўйган. Бу йўлда Халқаро шахмат федерациясига аъзо мамлакат вакиллари учун махсус павильон ташкил этилган ва у ерда кузатувчилар мамлакатимиз ҳақидаги маълумотларга эга бўлишлари мумкин. 

Бугун, 4 август куни эса Ўзбекистоннинг яна бир "ташриф қоғози" - ўзбекча палов федерациялар вакилларига "таништирилди". Таниқли ошпаз Баҳриддин Чустий бошчилигида катта қозонда тайёрланган палов тадбир меҳмонларига тортиқ этилди. 

Ушбу тадбирда Ўзбекистоннинг Ҳиндистондаги муҳтор элчиси Дилшод Ахатов ҳам иштирок этди. 

Тадбирдан суратларни томоша қилинг. 

ФОТО: Азиз Тўхтамуродов, Ченнай шаҳридан