Ҳожиакбар Алижонов ЖЧ-2026 илк турида ўйнамайдими?

Championat.asia сайтига маълум бўлишича, футболчи 7 июнь кунги умумий гуруҳ машғулотларида кўриниш бермади ва якка тартибда шуғулланмоқда.

Қайд этиш керакки, бугунги Нидерландияга қарши ўйинни ўтказиб юборадиган футболчи катта эҳтимол билан мундиалнинг 1-турида ҳам майдонга тушмайди.

Маълумот ўрнида, ўнг қанот ҳимоясида Фарруҳ Сайфиев ва Беҳруз Каримов ўйнай олади. Шунингдек, якуний қайдномадан жой олмаган Умарали Раҳмоналиев, Жасур Жалолиддинов, Руслан Жиянов ва Шерзод Темиров ҳозирда терма жамоа билан бирга.

Эслатиб ўтамиз, Нидерландия – Ўзбекистон ўйини бугун Нью-Йоркдаги "Icahn Stadium"да соат 23:45 да бошланади.