Ҳоланд Беллингемни "Манчестер Сити"га таклиф қилмоқда

Эрлинг Ҳоланд собиқ жамоадоши Беллингем билан боғланиб, уни "шаҳарликлар" таркибига қўшилишга ундаган. Норвегиялик "гол машинаси" Германияда икки ярим йил ўйнаганидан сўнг "Манчестер Сити"нинг 5 йиллик таклифига имзо чеккан эди. Ҳоланд Бундеслигада икки йилни 2020 йил ёзида "Бирмингем Сити"дан келиб қўшилган Жуд Беллингем билан бир жамоада ўтказди. 

19 ёшли англиялик футболчи ўшанда Европанинг бир қатор клублари томонидан талаш бўлганди. Бу курашда "Боруссия" ғолиб бўлиб, ёш иқтидорни илиб кетганди. Энди худди шундай кураш келаси ёзда келиб чиқиши аён бўлмоқда. "Реал" Беллингемни 2023 йил ёзида қўлга киритишига шубҳа қилмаяпти. Унга қизиққанлар орасида Англиянинг "Ливерпуль", "Челси" ва "Манчестер Юнайтед" клубларини кўриш мумкин. Уни 83 млн фунтга сотиб олиш мумкин бўлади, дейилади манбада.