Ҳозирча тарих янгиланмади. Жаҳон лицензион турнирини кутамиз

Афсуски, аёллар кураши бўйича ўтказилаётган баҳсларда тарихда янгиланмай қолди. 57 кг вазн тоифасида юртимиз шарафини ҳимоя қилган Ўсмирлар Олимпиадасининг кумуш медали совриндори Шоҳида Аҳмедова Токио Олимпиадаси йўлланмаси учун ҳиндистонлик Аншу Аншуга қарши кечган беллашувда 2:12 ҳисобида имкониятни бой бериб қўйди. Энди Аҳмедова кореялик Ум Жиюнга қарши бронза медали учун гиламга чиқади. 

Эслатиб ўтамиз, шу кунгача Ўзбекистон аёллар эркин кураши терма жамоаси тўрт йилликнинг энг нуфузли мусобақасида иштирок этмаган. Энди бор умидимиз май ойида Болгариянинг София шаҳрида ўтказиладиган жаҳон лицензион турниридан. Ушбу мусобақа Токио Олимпиадасига сўнгги лицензион турнир ҳисобланади.