"Ҳумо" 1/4 финал сериясидаги тўртинчи учрашувини ўтказди

Афсуски, коронавирус сабаб хоккейчиларимиз уй учрашувларини "Ҳумо Арена"да ўтказа олишмаяпти. Бу эса рақиб Москванинг "Звезда" клубига қўл келмоқда. Кеча оқшом жамоалар ўртасидаги тўртинчи учрашув ўтказилди. 

Воскренскда ўтган бу баҳсда ўз минтақасида биринчи ўринни эгаллаган "Звезда" йирик 4:0 ҳисобида ғалаба қозониб, умумий сериясидаги фарқни оширишга муваффақ бўлди - 3:1. Энди ҳал қилувчи бешинчи учрашув 19 март куни Москва шаҳрида бўлиб ўтади. 

Агар бўлажак баҳсда "Звезда" ғалаба қозонса, сериядаги кураш тўхтатилади ва москваликлар 1/2 финалга йўл олишади. "Ҳумо" ғалаба қозонган тақдирдагина ярим финал чиптаси учун курашни давом эттира олади. Боиси, бу босқич ўйинлари тўртта ғалабагача ўйналади.