"Ҳумо" 2025 йилни мағлубият билан бошлади, жамоа энди "Евросиё дўстлик кубоги"да бронза медаллари учун курашади

Мусобақанинг якуний босқичида Тошкентнинг "Ҳумо" жамоаси, ВХЛ чемпиони "Нефтьяник" (Алметьевск, Россия), Экстра-Лига чемпиони "Металлург" (Жлобин, Беларус) ҳамда ВХЛ вице-чемпиони АКМ (Тула, Россия) жамоалари иштирок этиши ҳақида хабар бергандик.

Бугун турнирнинг ярим финал беллашувлари ўтказилмоқда.

"Ҳумо" финал йўлида "Металлург" билан баҳс олиб борди. Ўйиннинг асосий вақти 3:3 ҳисобидаги дуранг билан якунланди. Овертаймда эса омад рақибларга кулиб боқди. Энди "Ҳумо" эртага мусобақанинг бронза медаллари учун ўйин олиб боради.

"Қанотлилар" сафида Дмитрий Саврицкий, Андрей Павленко ҳамда Егор Буяльский муаллифлик қилди.

Дмитрий Катаев "Металлург" билан ўйинда қуйидаги таркибдан фойдаланди:

Дарвозабонлар:

74 Константин Козловский, 35 Глеб Моисеев.

1) 18 Даниил Карабань - 92 Дмитрий Гренц - 17 Артём Лихотников (А) - 23 Станислав Боровиков - 3 Эдгарс Сиксна (С)

2) 7 Вадим Кравченко - 19 Радель Фазлеев – 51 Вячеслав Литовченко (А) - 86 Дмитрий Саврицкий - 27 Артём Мальцев

3) 73 Егор Буяльский - 26 Александр Шевченко - 15 Андрей Павленко - 89 Эмиль Малишев - 24 Егор Арбузов

4) 10 Денис Лудцев - 33 Александр Дербенёв - 87 Василий Жилов - 55 Егор Зебзеев - 77 Антон Асташевич.