29 ноя 07:31
Янгиликлар

Хоккей

"Ҳумо" чемпионат пешқадамини мағлуб этиб, турнир жадвалида юқорилади

Кеча хоккей бўйича Қозоғистон чемпионатидан ўрин олган бир қанча ўйинлар ташкил этилди.

Жумладан, Тошкентнинг "Ҳумо" хоккей клуби ўз уйида Уст-Каменогорск шаҳрининг "Торпедо" жамоасига қарши иккинчи ўйинини ўтказди.

Қувонарлиси, баҳсда вакилларимиз 4:1 ҳисобида зафар қучишди. Тошкентликлар сафида Данила Карабань (хет-трик) ва Вячеслав Литовченко шайба киритишга муваффақ бўлди.

Мазкур баҳсдан кейин "Ҳумо" очколари сони 26 тага етиб, турнир жадвалида тўртинчи ўринга кўтарилиб олди. Пешқадам бўлиб турган "Торпедо" ҳисобида эса 33 очко бор.

Маълумот ўрнида, "қанотлилар" кейинги ўйинларини 3-4 декабрь кунлари Тошкентда "Иртиш"га қарши ўтказади.